An Yi Yunkurin Hallaka Sarkin Saudiyya A Malaysia

Hukumomin kasar Malaysia sun sanar da cewa sun dakile yunkurin hallaka sarki Salman bn Abdul'azeez na kasar Saudiyya a lokacin da ya kai ziyara kasar a baya-bayan nan.
Sufeton 'yan sandan kasar Khalid Abu Bakar shi ne ya sanar da hakan, ya kara da cewa gabannin kawo ziyarar, 'yan sanda sun cafke wasu mutane bakwai, cikin su har da wasu 'yan tawaye na kabilar Houthi a kasar Yemen.
Tun bayan guguwar sauyi ta hambarar da gwamnati shugaba Ali Abdallah Saleh, kasar Yemen ta fada tashin hankali, bayan wani lokaci aka zabi Abdul Rabou Mansul-Hadi a matsayin sabon shugaba, daga bisani shi sai da ya tsere zuwa Saudiya dan neman mafaka.
Shekaru biyu kenan da Saudiyya ke jagorantar wata hadakar dakarun kasashen waje, a yakin da suke yi da 'yan tawayen Houthi a Yemen.
Amma kawo yanzu babu tabbacin ko su 'yan Yemen din 'yan wacce kungiyar 'yan tawaye ne.
Wata babbar majiyar 'yan sanda ta tabbatar wa kamfanin dillancin labarai na Reuters cewar an yi imanin mutanen 'yan tawayen Houthi ne.
Amma wasu majiyoyin sun ce mutanen da ake tuhumar na da alaka da kungiyar IS.
Kuma babu tabbacin ko mutane ukun da aka kama 'yan kungiya daya ne.
An kama mutum bakwai din da ake tuhumar ne daga tsakanin ranar 21 zuwa 26 ga watan Fabrairu- ranar da Sarki Salman ya isa babban birnin Malaysia.
Babban hafsan 'yan sandan kasar, Khalid Abu Bakar, ya shaida wa manema labarai cewar kungiyoyin "na shirin kai hari ne kan sarkin da tawagarsa a lokacin ziyararsu zuwa Kuala Lumpur."
"Mun same su a kan lokaci," in ji shi.
'Yan sanda sun kuma kwace fasfunan da dama daga wadanda ake zargin, da kudi dala 60,740 na kudin kasashe daban-daban, wanda aka yi amanna an so tura su ne ga kungiyoyin masu tayar da kayar baya.
Mista Abu Bakar ya shaida wa 'yan jarida cewa, "kungiyar tana kuma tu'ammali da mugayen kwayoyi."
Majalisar Dinkin Duniya ta ce a yanzu haka Yemen na fuskantar karancin abinci da ke bukatar taimakon gaggawa, inda aka yi kiyashin cewa mutum miliyan 7.3 ne suke bukatar agaji, yayin da mutum 10,000 suka rasa ransu tun farko rikicin.
Sarki Salman ya je ziyarar ne da tawagar 'yan rakiya kusan mutum 600 a kwanaki hudun da ya yi a Malaysia.
Wata tafiya ce da ya tsara don yin rangadi a yankin Asiya, inda ya tafi da kayan alatu da na alfarma.

Comments

Post a Comment

Popular posts from this blog

NAZARI: Amfanin Kabeji A Jikin Dan Adam

Image
1. Rage Kibar Jiki : Binciken masana ya tabbatar da cewa Kabeji yana rage wa wanda ke cinsa kiba. Don haka idan mutum ba ya so ya rika yin kibar wuce geji, ya lizimci cin kabeji. 2. Yana Kara Kaifin Basira: Kabeji cike yake da sinadarin ‘Bitamin K’ wanda shi ke kara wa mutum hazakar kwakwalwa da kuma fahimta. Haka kuma masanan sun ce Kabeji yana taimakawa wurin yi wa mai amfani da shi garkuwa daga cututtukan da suka shafi kwakwalwa. A nan kuma sun ce, jan Kabeji ya fi Kore yin wannan aiki. 3. Kara Wa Mutum Kyau: Ganyen Kabeji yana da sinadarin da ke sa fatar mutum ta rika sheki da kyau, sannan yana sa taushi da kyallin gashi, haka ma farcen mutum kan yi kyau. 4. Kabeji Na Cire Datti Da Warin Jiki: Masana sun tabbatar da cewa Kabeji na taimaka wa mutane wurin cire datti da warin jiki. Saboda sindarin ‘Bitamin C’ da ke cikinsa. Wanda yake garkuwa da wasu manyan cututtukan fata da kuma cututtukan sanyin kashi. 5. Kabeji Na Magani Da Garkuwa Ga Cutar Kansa: Kabej...
Read more

Mata: Ku guje wa saka takalma masu tsini saboda illata kashin baya da yake yi - Dr Martins Adejo

Image
Wani likita a asibitin Makurdi Dr Martins Adejo ya gargadi mata da su yi taka tsantsan da saka takalman masu tsini domin ya na lahanta kashin bayan mutum. Likitan yace wadannan takalma na illata kashin baya wanda hakan ya kan lalata wasu sassan dake hade da kashin baya bayan illata kashin shi kansa. Ya kara da cewa takalma masu tsini na kawo matsala a kwiwwowi da gabobi da tafin kafa, sannan kuma yana raunana jijiyoyin dake tafiyar da jinni a jikin mutum. “ Idan mace ta nace da sa irin wadannan talkalma za ta samu matsala da jijiyoyin ta da kuma gabobin jikinta idan girma ya zo. Likita Adejo yace dalilin irin wadannan matsaloli da za’a iya samu zai iya kai ga mutum ya kamu da cutar hawan jinni da ciwon suga.
Read more

An sake gano dala miliyan 150 da aka sace a Najeriya

Image
Hukumomi a Najeriya sun ce sun gano wasu makudan kudade da aka sace daga asusun gwamnati da yawansu ya kai dala miliyan dari da hamsin, da kuma wata naira biliyan takwas. Ministan yada labarai na kasar, Alhaji Lai Mohammed, a cikin wata sanarwa, ya ce an gano kudaden ne daga wajen mutane uku, sakamakon wasu da suka tona asirinsu. Ministan ya ce kudaden ba sa daga cikin fiye da dala miliyan tara da aka gano a gidan tsohon shugaban kamfanin mai na kasar NNPC, Andrew Yakubu, wanda shi ma wani ne ya tona musu asiri. Alhaji Lai Mohammed ya ce daga cikin kudin, dala miliyan dari da talatin da shida da dubu dari bakwai, an gano su ne a wani banki a kasar, an an boye su ne da wani suna na bogi. Ya ce naira biliyan bakwai kuma da dala miliyan goma sha biyar, an same su ne daga wurin mutun guda, sai kuma wata naira biliyan daya da aka samu daga wajen wani mutun guda shima. Ministan ya ce wannan bankadowa da aka yi, ta kara jaddada matsayarsu a baya, cewa an tafka babbar sata a zamanin tsohu...
Read more