Ana Zargin Tsohon Kwamishina A Kano Da Badakalar Dala $650,000

Ana zargin tsohon kwamishinan lafiya na jihar Kano, Abubakar Labaran, tsohon babban sakataren ma'aikatar lafiya, Farouk Mohammed, da tsohon shugaban kwalejin unguwar zoma ta jihar Kano, Tijjani Umar da tafka badakalar Dala $650,000,
Majiyar Hausa Times ta ruwaito cewa ana zarginsu da zambatar Gwamnatin jihar a karkashin shirin tallafin karo karatu a kasashen waje,
DailyNigerian ta ruwaito cewa mutanen sun hada kai ne da wani jami'in tuntuba dan kasar Misira, Thamer Kazamel, inda suka rubanya kudaden karatu ga daliban jihar Kano da aka tura karo karatu a jami'ar Mansoura dake Misira.
Kwamishinan da mukarrabansa sun yi sojan gona da wani kamfani, Medical Overseas Limited, a yayinda shi kuma jami'in tuntubar yayi amfani da kamfanin, Delta Med Group.
Tuni dai hukumomi a kasar Misira suka samu nasarar kwace Dala $200,000 daga Mista Thamer a yayinda tsohon shugaban makarantar unguwar zoman ya yi ikirarin ya karbi $94,000 ne kacal daga cikin kudin.
Majiyar ta Hausa Times ta tsegumta cewa Kawo yanzu an maido Dala $450,000 Nigeria a yayinda ake cigaba da binciken wadanda ake zargin.
Tuni dai mahukuntan suka sha alwashin mika wadanda ake zargin a gaban kuliya. A yayinda ake jiran hukumar EFFCC ta karbi kudaden ta mayar dasu asusun Gwamnatin jihar Kano.

Comments

Post a Comment

Popular posts from this blog

NAZARI: Amfanin Kabeji A Jikin Dan Adam

Image
1. Rage Kibar Jiki : Binciken masana ya tabbatar da cewa Kabeji yana rage wa wanda ke cinsa kiba. Don haka idan mutum ba ya so ya rika yin kibar wuce geji, ya lizimci cin kabeji. 2. Yana Kara Kaifin Basira: Kabeji cike yake da sinadarin ‘Bitamin K’ wanda shi ke kara wa mutum hazakar kwakwalwa da kuma fahimta. Haka kuma masanan sun ce Kabeji yana taimakawa wurin yi wa mai amfani da shi garkuwa daga cututtukan da suka shafi kwakwalwa. A nan kuma sun ce, jan Kabeji ya fi Kore yin wannan aiki. 3. Kara Wa Mutum Kyau: Ganyen Kabeji yana da sinadarin da ke sa fatar mutum ta rika sheki da kyau, sannan yana sa taushi da kyallin gashi, haka ma farcen mutum kan yi kyau. 4. Kabeji Na Cire Datti Da Warin Jiki: Masana sun tabbatar da cewa Kabeji na taimaka wa mutane wurin cire datti da warin jiki. Saboda sindarin ‘Bitamin C’ da ke cikinsa. Wanda yake garkuwa da wasu manyan cututtukan fata da kuma cututtukan sanyin kashi. 5. Kabeji Na Magani Da Garkuwa Ga Cutar Kansa: Kabej...
Read more

Mata: Ku guje wa saka takalma masu tsini saboda illata kashin baya da yake yi - Dr Martins Adejo

Image
Wani likita a asibitin Makurdi Dr Martins Adejo ya gargadi mata da su yi taka tsantsan da saka takalman masu tsini domin ya na lahanta kashin bayan mutum. Likitan yace wadannan takalma na illata kashin baya wanda hakan ya kan lalata wasu sassan dake hade da kashin baya bayan illata kashin shi kansa. Ya kara da cewa takalma masu tsini na kawo matsala a kwiwwowi da gabobi da tafin kafa, sannan kuma yana raunana jijiyoyin dake tafiyar da jinni a jikin mutum. “ Idan mace ta nace da sa irin wadannan talkalma za ta samu matsala da jijiyoyin ta da kuma gabobin jikinta idan girma ya zo. Likita Adejo yace dalilin irin wadannan matsaloli da za’a iya samu zai iya kai ga mutum ya kamu da cutar hawan jinni da ciwon suga.
Read more

An sake gano dala miliyan 150 da aka sace a Najeriya

Image
Hukumomi a Najeriya sun ce sun gano wasu makudan kudade da aka sace daga asusun gwamnati da yawansu ya kai dala miliyan dari da hamsin, da kuma wata naira biliyan takwas. Ministan yada labarai na kasar, Alhaji Lai Mohammed, a cikin wata sanarwa, ya ce an gano kudaden ne daga wajen mutane uku, sakamakon wasu da suka tona asirinsu. Ministan ya ce kudaden ba sa daga cikin fiye da dala miliyan tara da aka gano a gidan tsohon shugaban kamfanin mai na kasar NNPC, Andrew Yakubu, wanda shi ma wani ne ya tona musu asiri. Alhaji Lai Mohammed ya ce daga cikin kudin, dala miliyan dari da talatin da shida da dubu dari bakwai, an gano su ne a wani banki a kasar, an an boye su ne da wani suna na bogi. Ya ce naira biliyan bakwai kuma da dala miliyan goma sha biyar, an same su ne daga wurin mutun guda, sai kuma wata naira biliyan daya da aka samu daga wajen wani mutun guda shima. Ministan ya ce wannan bankadowa da aka yi, ta kara jaddada matsayarsu a baya, cewa an tafka babbar sata a zamanin tsohu...
Read more