Lugude

Lokacin da wani tsiro mai kama da ɓawon bishiya ya fara bayyana a fuskar wata yarinya 'yar shekara 10 Sahana Khatun wata huɗu da ya wuce, mahaifinta bai damu ba. Sai dai bayan sun fara yaɗo, ya damu matuƙa, inda ya tafi kudu da ƙauyensu zuwa Dhaka babban birnin Bangladesh don neman magani. Yanzu likitoci na fargabar cewa Sahana ka iya zama mace ta farko da ta taɓa fuskantar abin da ake kira "larurar tsirowar bishiya a jiki". Idan gwajin da suka yi ya tabbata, yarinyar ta shiga rukunin wasu mutane 'yan ƙalilan a faɗin duniya da ke fama da wannan larura mai suna epidermodysplasia verruciformis. Wasu mutane ƙalilan - duka maza ne- ake tsammanin suna da wannan cuta. Ga wasu mutanen, har ta ci ƙarfinsu, inda wani mutum ba ma ya iya taɓa mata da ɗansa tsawon shekara goma kenan. Hannuwan Abul Bajandar duk wani tsiro ya fito musu inda suka yi girman kilogram biyar, ga kuma wani tofo a ƙafafuwansa, idan ka gan shi tamkar bish...

Rahotanni daga jihar Ribas na cewa, Kwamishinan ‘yan sandan jihar Ribas Francis Mobolaji Odesanya ya rasu a yau. Adesanya, ya rasu ne bayan jinya da ya yi a wani asibitin kasar Indiya. Sabon kwashinan ya fara aiki ne a matsayin kwashinan ‘yan sanadan jihar a watan Agusta na 2016, inda ya maye gurbin Foluso Adebanjo wanda a yanzu shi ne mataimakin Sufeto Janar na ‘yan sanadan Nijeriya.

Daraktan hukumar kashe gobara ta jihar Legas, Mr Rasak Fadipe, ya bayyana cewar sun tsamo gawa daga cikin ramin tankar mai a ranar talata. Mr Fadipe ya ce an ajiye motar tankin ne daura da ofishin 'yan sanda na Morogbo a titin Badagry, inda kuma a ke kyautata zaton mutumin ya bude ramin tankar ne da nufin ya saci man, kuma ya rufta ciki ya mutu.

A yanzu haka gamayyar kungiyoyin al'umma na Nijeriya na nan na ta yin wani gangamin wayar da kan 'yan Nijeriya na su sakar wa shugaba Buhari mara ya sarara. A maimakon haka su yi ta taimakawa da addu'a da goyon baya.

Dakarun sojin Yammacin Afirka da aka tura kasar Gambia ta ce ta gano makamai a gidan tsohon shugaban kasar, Yahaya Jammeh. Kungiyar ECOWAS ta ce an gano makamai da harsasai ne a gidan Yahya Jammeh dake cikin kauyen Kanilai. Mista Jammeh ya bar kasar kwanaki 10 da suka wuce bayan da ya sha kaye a zaben shugaban kasar da shugaba Adama Barrow ya yi nasara a watan Disambar bara. Mista Barrow ya bukaci dakarun ECOWAS su zauna a kasar don tabbatar da kwanciyar hankali a lokacin da tsohon shugaban ya bar Gambia.

Shugaban Amurka Donald Trump ya kori babbar lauyar gwamnatin kasar Sally Yates saboda kin goyan bayan shirinsa na hana baki Musulmi shiga kasar. Yates ta bayyana dokar a matsayin wadda ta ci karo da matsayinta na kare dokokin Amurka da kuma tabbatar da yi wa mutane adalci. Jami’ar ta ce, a matsayin ta na babbar lauyar gwamnati, ba za ta iya kare dokar a kotu ba saboda ta saba ka’ida, kuma wannan ya sa Trump ya sanar da tube ta daga mukamin. Yanzu haka dai, an nada Dana Boente a matsayin mukaddashin babban lauyan Amurka kafin majalisar dattawar kasar tabbatar da Sanata Jeff Sessions da Trump ya gabatar da sunansa don amincewa da shi a matsayin Atoni Janar. Kasashen duniya na ci gaba da mayar da martani kan wannan mataki da Trump ya dauka na hana kasashen musulmi bakwai shiga cikin Amurka, abin da Majalisar Dinkin Duniya ta ce, ya saba ka'ida, kuma hakan zai haifar da cikas a yaki da ta'addanci a duniya.

Wani dan kunar-bakin-wake da aka yi kokarin hana shiga masallaci ya rungumi wani mutum inda suka mutu tare a birnin Maiduguri na jihar Borno. Wani ganau ya shaida wa BBC cewa dan kunar-bakin-waken ya so shiga masallacin ne amma mutumin da ke binciken mutane kafin su shiga ya haska shi da cocilan. Ganin hakan ne ya sa dan kunar-bakin-waken ya tunkare shi inda ya rungume shi suka mutu tare. Ganau din ya ce sun ji karar bam din da ya fashe inda suka garzaya wurin, kuma sun ga gawarwakin mutanen sun yi kaca-kaca. Wannan dai shi ne karo na uku a cikin wannan watan da 'yan kunar-bakin-wake suka tashi bam a masallatan da ke birnin. A kwanakin baya, wata 'yar kunar-bakin-wake ta tashi bam a wani masallaci inda mutum hudu suka rasa rayukansu ciki har da wani Farfesa.

A Kenya, wasu ma'aurata da ke fama da talauci, sun samu yabo matuka a kafofin sada zumunta, bayan da suka kashe dala daya kacal ($1) wajen bikin aurensu, wanda suka yi da kayan da ke jikinsu a wannan hoto. Wilson da Ann Mutura sun yi ta daga bikin nasu tun a shekara ta 2016 ne saboda sun gaza samun dala $300 (£240) da suke bukata domin bikin auren. Ma'auratan sai suka yanke shawarar su yi aure a wannan shekarar da dan kudin da suke da shi. Angon dai ya kashe dala daya ne kacal a kan zobba guda biyu, wanda ya nuna wa wasu mutane da suka yi ta masa tafi a yayin shagalin auren. Sauran abubuwa da ake bukata domin gudanar da bikin kuma -ciki har da kudin samun takardar shaidar aure- cocinsu suka dauki nauyi. Masu sharhi a kafofin sada zumunta sun yaba wa ma'auratan, inda suka yi la'akari da yadda bikin aure a kullum ke kara yin tsada. Wannan labarin masoyan, watau Wilson mai shekaru 27, da amaryarsa Ann mai shekaru 24, dai ya ja hankalin al'ummar kasar Kenya sosai....

A cikin hotunan ana iya ganin Mr Oscan Okafor (mai shigo da kaya), Mr Mahmud Haruna (clearing agent),  sai kuma Sadique Mustapha, mai rakiyar kayan. Kwanturolan kwastan, Hamidu Ali ya bayyana haka yayin ganawarsa da yan jaridu yau a birnin Ikko.

VOA Hausa Bisa alamu har yanzu akwai rashin jituwa tsakanin tsohon gwamnan Kano Sanata Rabiu Musa Kwankwaso da gwamnan jihar na yanzu Dr Abdullahi Ganduje wanda lokacin Kwankwaso shi ne mataimakin gwamna. Inji Gwamna Ganduje yace an samu rashin jituwa jim kadan bayan an mika mulki ga gwamnatinsa. Misali, kawamitin mika mulki wanda shi ne ya jagoranta ya gano cewa akwai bashin biliyan dari ukku da ake bin jihar. Amma Gwamnan Kwankwaso bai ji dadin yadda aka fito da alkaluman ba. A cewar Gwamna Ganduje Kwankwaso yace babu mai binsa ko kwabo har da cewa duk wanda aka ba aiki an gama biyansa to saidai tun bai mika mulki ba 'yan kwangila suka yi ca suka karyata ikirarinsa. Gwamna Ganduje yace ya fada masa cewa batun bashi ba magana ba ce domin babu gwamnatin da za'a yi da ba'a binta bashi. Kuma barin bashi ba laifi ba ne. A lokacin da farashin mai ya fadi shugaban kasa Muhammad Buhari ya ga cewa jihohi ba zasu iya biyan albashi ba sai an basu tallafi. Sai Sanata Kwankwaso ...

Baba Masaba, wanda asali mutumin garin Bidda ne da ke jihar Niger a Arewacin Najeriya, ya mutu ranar Asabar. Rahotanni sun ce ya mutu ne yana da shekara 93, inda ya bar 'ya'ya kimanin 137. Baba Masaba dai ya yi fice ne saboda yawan mata da 'ya'yansa. Shi dai marigayin - wanda ya rasu bayan gajeriyar rashin lafiya - ya fito fili ne bayan da a wata hira ta musamman da ya yi da BBC ya ce ya auri mata 86 kuma dukkansu suna tare da shi a lokacin, lamarin da ya janyo ce-ce-ku-ce tsakaninsa da Malaman addinin Musulunci na kasar. Bayanai sun nuna cewa Baba Masaba yana biya wa duk iyalinsa bukatunsu na rayuwa duk kuwa da yawansu. A wani lokaci can baya ma jami'an tsaro sun taba tsare shi a birnin Minna na jihar, saboda auren mata rututu, abin da ya saba wa addinsa na Musulunci.

Jaridar Punch ta ruwaito cewa hukumar hana fasa kwari ta kasa, ta cafke bindigogi 661 a Ikko. Ba a san dai daga inda makaman suka fito ba, ko kuma inda su ka nufa ba.

An gabatar da zanga-zangar ne ranar asabar, a tashar jirgin sama ta Fort Worth da ke Dallas.

Gwamnatin Donald Trump ta tsaya kai da fata a kan aiwatar da matakinta na korar 'yan gudun hijira daga kasashen nan bakwai duk da hukuncin da wata kotu ta yanke na dakatar da shirin da kuma zanga-zangar da ake yi a kan matakin. Mr Trump ya wallafa shafinsa na Twitter cewa Amurka na bukatar "tsattsauran mataki" yanzu kan 'yan gudun hijira. Shugaban ma'aikatansa ya ce mutum 109 ne kawai cikin mutum 325,000 da suka yi balaguro aka tsare. Wasu alkalai sun yanke hukunci a kan wannan batu - daya daga cikinsu, alkalin babbar kotun kasar ya dakatar da matakin hana masu izinin shiga kasar zuwa wani dan lokaci. Kasashen duniya da dama sun yi tur da wannan matakin. A ranar Juma'a ne dai Mr Trump ya sanya hannu a kan wasu shirye-shiryensa da suka hana bai wa 'yan gudun hijira izinin shiga kasar nan da kwana 120, sannan aka haramtawa 'yan gudun hijirar Syria shiga Amurka kwata-kwata, kana aka dakatar da 'yan kasashe bakwai na Musulmi daga shiga kasar tsawo...

Rahotanni daga jihar Borno da ke Arewa maso Gabashin Najeriya na cewa wasu da ake zargin mayakan Boko Haram ne sun far wa wasu matafiya a kan hanyar Maiduguri zuwa jihar Taraba, inda suka kashe mutane da dama ciki har da wasu daliban jami'ar garin. Mayakan sun budewa motar wuta ne wanda ya tilastawa direban motar tsayawa, wasu fasinjojin suka ranta a na kare wasu kuma al'amarin ya ritsa da su. Daga cikin mutanen da suka mutu din akwai daliban jami'ar Maiduguri, wadanda suke kan hanyarsu ta komawa garuruwansu sakamakon kammala jarrabawa da rufe makaranta da aka yi. Wani Malamin jami'ar ya shaidawa BBC cewa zuwa yanzu an tabbatar da mutuwar dalibai biyu daga ciki, yayin da wasu uku kuma suna babban asibitin koyarwa na Maiduguri. "Ba mu dade da dawowa daga jana'izar daya dalibin ba, dayan kuma yanzu wasu Malaman da kuma babban jami'i na jami'a mai kula da harkokin dalibai suka tafi asibiti don karbo tasa gawar," inji Malamin. Baya ga daliban jami...

Adama Barrow ya bayyana cewa, "Duk da cewa kashi 90 na 'yan kasar musulmi ne, sauran kashi 10 mabiya wasu addinai, bai zama dole a kira kasar da kasar musulunci ba, don haka daga yanzu kada na sake jin wasu sun kara kira kasar Gambia da kasar musulunci, kasa ce ta kowa da kowa."

A cewar mai magana da yawun malamin, Alhaji Mutairu Salawudeen Bello, Malam Muhammadu Masaba ya rasu ne yana da shekaru 93, bayan rashin lafiya a garin Bida da ke jihar Neja, ranar asabar 28 ga watan janairu.

An dai shigo da jiragen ne ba bisa ka'ida ba, ta filin saukar jiragen sama na Murtala Mohammed da ke Legas. Shugaban hukumar kwastan na filin saukar jiragen saman, Mista Franka Allanan ya ce har yanzu babu wanda ya gabatar da kansa a matsayin wanda ya mallake su. Wanda a cewarsa, tuni sun mika jiragen ga rundunar Sojan sama na kasa.

Shugaban Amurka Donald Trump ya bayyana cewa gwamnatinsa za ta ba da fifiko a kan Kiristoci 'yan gudun hijira na Syria fiye da takwarorinsu Musulmi. Mista Trump ya bayyana hakan ne a wata hira da aka yi da shi a tashar talabijin a ranar Juma'a, inda ya ce za su fi karbar Kiristocin 'yan gudun hijira da suka mika bukatar karbarsu a Amurka. Shugaban ya kuma lashi takobin hana shiga Amurka ga Mutanen da suka fito daga wasu kasashe bakwai na Musulmi. Mista Trump ya sanya hannu a wasu dokoki ranar Juma'a da ya ce za su kare Amurka daga tsattsauran ra'ayin kishin Islama. Ya sanya hannun ne a kan dokokin ne bayan bikin rantsar da Janar James Mattis a matsayin sakataren tsaro a fadar gwamnatin Amurkar, White House. Daga cikin dokokin a yanzu Mista Trump ya haramta wa 'yan gudun hijira na Syria shiga Amurka, har sai abin da hali ya yi. Sannan kuma dokokin sun dakatar da bayar da takardar izinin shiga Amurka ga 'yan kasashen Iran da Iraq da Somalia da Sudan da L...

Yansandan a jihar Kaduna da ke a Arewacin Najeriya sun sanar da cafke ‘yan fashi sama da 400 wadanda ake zargi da laifin yin garkuwa da mutane da kuma satar shanu a cikin shekarar 2016. Kwamishina ‘yansandan jihar, Mista Agyelo Abeh ne ya tabbatar da kama mutanen ya kuma shaida cewa sun kwato muggan makamai sama da 100 daga hannu ‘yan fashin. Mista Agyelo ya ce tuni aka mika 384 daga cikin wadanda aka kama gaban kuliya, yayin da ake ci gaba da binciken sauran.

RFI Hausa Najeriya na iya fuskantar yunwa a shekarar 2017 sakamakon Fari da rikicin makiyaya da manoma da na Boko Haram da kuma matsalar tattalin arziki a cewar rahoton hukumar FEWS da ke nazari kan Fari da wadarar abinci a duniya karkashin hukumar raya kasashe ta Amurka USAID. Rahoton ya ce, za a fuskanci yunwa saboda yadda rikicin Boko Haram ya raba jama’a da gidajensu a yankin arewa maso gabashin Najeriya, wanda ya gurgunta huldar kasuwanci tare da jefa halin ruyuwar jama’a cikin kunci. Amma Sakataren kungiyar Manoma ta Njeriya, Alhaji Muhammad Magaji, ya ce ko za a samu yunwar ba kamar yadda ake zata ba. A cewar Magaji, matsalar za ta fi shafar yankin arewa maso gabashi bayan shafe shekaru uku ba a yi noma ba a yankin sakamakon rikicin Boko Haram. Najeriya dai na fama da matsalar tattalin arziki sakamakon faduwar farashin danyen mai da kasar ke dogaro da shi. Gwamnatin Buhari yanzu ta mayar da hankali ga bunkasa ayyukan noma domin rage dogaro da arzikin fetir. Rah...

Sarkin Kano Muhammadu Sanusi na biyu ya yi watsi da wata doka da majalisar fadar Dambatta ta kafa wadda ta kayyade sadakin auren mata a garin. Dokar ta kayyade kudin zance na al'ada a kan kada ya haura 20,000, sannan mafi karancin sadaki 20,000, haka kuma ta kayyade adadin kayayyakin da za a rinka sanya wa a kayan lefe. Amma Sarki Sanusi ya ce hakan ba abin da zai jawo sai dai a dinga auren mata ana sakinsu a duk lokacin da aka ga dama domin "an ga sun yi arha". Ya ce, ''Ba za mu yarda da wannan tsari ba don ba don haka aka ajiye shari'ar aure ba, wanda yake da halin kashe kudi da yawa ya yi, wanda ba shi da hali ya yi daga cikin abin da Allah ya ba shi.'' Sarkin ya kara da cewa, "Bai kamata ku hana wa mata arzikinsu da Allah ya basu ba, idan yarinya ta samu mai sonta ko akwati 10 ya ga zai mata a bar shi ya yi." Ya yi kira ga majalisar hakimin Dambattan da cewa kamata ya yi su kafa kwamiti kan yadda za a dinga gyaran aure da magance mat...

Shugaban Gambiya Adama Barrow ya koma gida. Har yanzu akwai dakarun ECOWAS 2500 a Gambiya.

'Yan sandan kasar Afurka ta Kudu, sun ce su na gudanar da bincike kan safarar fatar Jaki ba bisa ka'ida ba, inda suka kwace sama da fatu 5000 a wani wuri da ake boye su, lokacin da suka kai samame gabashin birnin Johannesburg. 'Yan sandan sun yi zargin fatun jakin da suka kama a gidan gona da ke garin Benoni a makon da ya wuce, an same su ne bayan 'yanka dabobi ba bisa ka'ida ba da ake kaiwa kasar China. An kai wannan samame ne, bayan wata mace ta yi korafin ta na jin warin rubabben nama a kusa da gidanta. Babu dai wanda 'yan sandan suka cafke ya yin samamen, sai dai kuma sun yi nasarar gano yadda ake yanka dabbobi ba bisa ka'ida ba a boyayyen yankin. Ana samun miliyoyin daloli a kasuwancin fatar Jaki dai, inda suka fi yin tsada a kasar China saboda ana amfani da ita wajen yin magani. Magungunan da ake samarwa da fatar jaki sun hada da, maganin daidaituwar jinin al'ada ga mata, da tsawaita shekarun jinin al'ada da sauransu.