Zan bar mulki don kauce wa zub da jini - Jammeh

Dazu-dazu nan ne shugaban kasar Gambia da aka kayar a zabe Yahaya Jammeh ya bayar da sanarwa da bakinsa cewa cewa ya yanke shawarar barin mulki bayan wata tattataunawar karshe da shugabannnin kasashen Afrikata Yamma 2.
A cikin wani takaitaccen jawabi da ya yi ta gidan tallabijin din kasar Sheikh Jammeh ya ce '' Ina ganin bai zama dole a zubar da ko da digon jini daya ne ba kan wannan batun.''
Sai dai bai yi karin bayani ba kan ko sun kulla wata yarjejeniya ba, kuma ba ta bayyana ba ko yaushe ne Adama Barrow - wanda ya doke shi yayin babban zaben kasar na watan jiya - zai koma kasar daga Senegal ya karbi mulki ba.
A cikin daren ranar Jumu'a dai, Barrow din ya yi sheda wa wani taron 'yan kasarsa a Dakar cewa '' zamanin mulkin tsoro a kasar Gambia ya kare.''
Jim kadan dai kafin jawabin na Jammeh, Shugaban kasar Mauritania Mohammed Ould Abdel'aziz - wanda ke aikin sasantawar na karshe - ya shaida wa manema labarai cewa an cima yarjejeniya kuma Jammeh zai bar kasar.

Wani jami'in fadar shugaban kasar ta Gambia wanda ke da masaniyar me ake ciki ya ce Yahaya Jammeh zai bar kasar ne a cikin kwanakki ukku , mai yiwuwa ma wani lokaci a yau Assabar tare da Shugaban kasar Guinea Alpha Conde wanda ya kwana a babban birnin kasar Banjul.
Jami'in dai ya nemi kamfanin dillacin labarai na AP da ya zanta da shi da ya sakaya sunansa saboda bai iznin yin magana da manema labarai a hukumance.
A jawabinsa na farko don kama mulki Shugaba Adama Barrow ya ce: "Daga yau (Alhamis), Ni ne shugaban ƙasar Gambia ko ka/kin zaɓe ni ko ba ka/ki zaɓe ni ba."
Ya ce "Wannan nasara ce ga ƙasar Gambia.. mulki a hannun jama'a yake a Gambia"
A cewarsa "Wannan rana ce wadda babu wani ɗan Gambia da zai taɓa mantawa da ita... karon farko tun bayan samun 'yancin kai, Gambia ta sauya gwamnati ta hanyar ƙuri'a".
Shugaban ƙasa biyu
A ranar Laraba ne wa'adin Yahya Jammeh a kan mulki ya ƙare, ko da yake majalisar dokokin ƙasar ta tsawaita zamansa a kan mulki da kwana 90.
'Yan Gambia da ma 'yan kasashen waje da ke zuwa yawon bude ido a kasar da yawa ne suka fice zuwa wasu ƙasashe maƙwabta saboda tsoron ɓarkewar rikici.
Barrow ya kayar da Mista Jammeh a zaben da aka yi cikin watan Disamba.
Da farko dai Jammeh ya amince da shan kaye sannan ya taya Mista Barrow murna, amma daga bisani sai ya ce ba zai sauka daga mulki ba saboda zargin da ya yi cewa an tafka kura-kurai a zaben.
Ya kuma garzaya kotu inda yake kalubalantar sakamakon zaben.

Comments

Post a Comment

Popular posts from this blog

NAZARI: Amfanin Kabeji A Jikin Dan Adam

Image
1. Rage Kibar Jiki : Binciken masana ya tabbatar da cewa Kabeji yana rage wa wanda ke cinsa kiba. Don haka idan mutum ba ya so ya rika yin kibar wuce geji, ya lizimci cin kabeji. 2. Yana Kara Kaifin Basira: Kabeji cike yake da sinadarin ‘Bitamin K’ wanda shi ke kara wa mutum hazakar kwakwalwa da kuma fahimta. Haka kuma masanan sun ce Kabeji yana taimakawa wurin yi wa mai amfani da shi garkuwa daga cututtukan da suka shafi kwakwalwa. A nan kuma sun ce, jan Kabeji ya fi Kore yin wannan aiki. 3. Kara Wa Mutum Kyau: Ganyen Kabeji yana da sinadarin da ke sa fatar mutum ta rika sheki da kyau, sannan yana sa taushi da kyallin gashi, haka ma farcen mutum kan yi kyau. 4. Kabeji Na Cire Datti Da Warin Jiki: Masana sun tabbatar da cewa Kabeji na taimaka wa mutane wurin cire datti da warin jiki. Saboda sindarin ‘Bitamin C’ da ke cikinsa. Wanda yake garkuwa da wasu manyan cututtukan fata da kuma cututtukan sanyin kashi. 5. Kabeji Na Magani Da Garkuwa Ga Cutar Kansa: Kabej...
Read more

Mata: Ku guje wa saka takalma masu tsini saboda illata kashin baya da yake yi - Dr Martins Adejo

Image
Wani likita a asibitin Makurdi Dr Martins Adejo ya gargadi mata da su yi taka tsantsan da saka takalman masu tsini domin ya na lahanta kashin bayan mutum. Likitan yace wadannan takalma na illata kashin baya wanda hakan ya kan lalata wasu sassan dake hade da kashin baya bayan illata kashin shi kansa. Ya kara da cewa takalma masu tsini na kawo matsala a kwiwwowi da gabobi da tafin kafa, sannan kuma yana raunana jijiyoyin dake tafiyar da jinni a jikin mutum. “ Idan mace ta nace da sa irin wadannan talkalma za ta samu matsala da jijiyoyin ta da kuma gabobin jikinta idan girma ya zo. Likita Adejo yace dalilin irin wadannan matsaloli da za’a iya samu zai iya kai ga mutum ya kamu da cutar hawan jinni da ciwon suga.
Read more

An sake gano dala miliyan 150 da aka sace a Najeriya

Image
Hukumomi a Najeriya sun ce sun gano wasu makudan kudade da aka sace daga asusun gwamnati da yawansu ya kai dala miliyan dari da hamsin, da kuma wata naira biliyan takwas. Ministan yada labarai na kasar, Alhaji Lai Mohammed, a cikin wata sanarwa, ya ce an gano kudaden ne daga wajen mutane uku, sakamakon wasu da suka tona asirinsu. Ministan ya ce kudaden ba sa daga cikin fiye da dala miliyan tara da aka gano a gidan tsohon shugaban kamfanin mai na kasar NNPC, Andrew Yakubu, wanda shi ma wani ne ya tona musu asiri. Alhaji Lai Mohammed ya ce daga cikin kudin, dala miliyan dari da talatin da shida da dubu dari bakwai, an gano su ne a wani banki a kasar, an an boye su ne da wani suna na bogi. Ya ce naira biliyan bakwai kuma da dala miliyan goma sha biyar, an same su ne daga wurin mutun guda, sai kuma wata naira biliyan daya da aka samu daga wajen wani mutun guda shima. Ministan ya ce wannan bankadowa da aka yi, ta kara jaddada matsayarsu a baya, cewa an tafka babbar sata a zamanin tsohu...
Read more