Lugude

Hoton wakilan Nijeriya wajen rantsar da Amina Mohammed, a matsayin mataimakiyar sakataren majalisar dinkin duniya UN. Gwamnan jihar Ogun Ibikunle Amosun da gwamna Kashim Shettima na Borno na daga cikin wakilan.

Ofishin mataimakkin shugaban Najeriya ya ce za a dauki karin wasu matasa dubu 350 da suka kammala karatu a karkashin shirin nan da aka yi wa take N-Power, bayan da aka dauki wani adadi na mutane dubu 200 karkashin kasafin kudi na shekarar bara. A karkashin wannan shiri dai matasan na gudanar da ayyuka ne a fanni guda uku, wato aikin malanta, kiwon lafiya da kuma aikin gona. Shirin na ci gaba da samu goyan baya a wasu jihohin kasar tareda yi tasiri a wadannan fannoni.

Hukumar tara haraji ta Kasa FIRS ta rufe kamfanin jiragen sama na Kabo wato Kabo Air saboda bashin haraji da kamfanin ta kasa biya. Hukumar FIRS ta na bin kamfani jiragen sama na Kabo kudade sama da naira miliyan 149 a haraji wanda bata biya ba tsakanin shekara ta 2004 zuwa 2013. Bayan haka kuma ta rufe kamfanonin Motoci na Paki motors da Monaco venture duk saboda bashin haraji da take bin su.

Kwanan baya ne wani matashi mai aikin kwadago Sofian Laho Dandel ya shiga soyayya da wata tsohuwa Martha mai shekaru fiye da 80 a Indonesia. Kamar yadda jaridar Tribune News ta ruwaito, yanzu har an shirya aure duk da bambancin shekarun na su. Martha dai tsohuwa ce wadda ta rasa mijinta shekaru fiye da 10 da suka wuce, ta kuma ce yanzu ita da Sofian, mutu ka raba; takalmin kaza.

Jam’iyyar PDP ta lashe kujerun kananan hukumomin jihar Gombe da na kujerun kansilolin jihar. Kamar yadda hukumar zaben jihar ta sanar babu kujera ko daya da wata jam’iyyar da ta yi rijistan dan takara a jihar ta samu. Ga jerin sunayen wadanda suka lashe kujerun. Jani Bello (Akko), Bakari Kaltuma (Balanga), Faruk Lawining (Billiri),Abdulqadir Rasheed (Dukku), Yusuf Ibrahim (Funakaye) and Sani Dogarai (Gombe) Sauran sun hada Abubakar Danzaria (Kaltungo), Hassan Marafa (Kwami), Hamza Dadum (Nafada), Danladi Garba (Shongom) and Haruna Samanja (Yamaltu-Deba).

Hoton wani direban tasi ke nan da ke kwance yana rokon jami'in hukumar kare hadurra ta kasa (FRSC), Mr Sunday Oghenekaro, bayan direban ya karya dokar tuki a Berger Junction da ke Abuja, a ranar Talata. Ana iya ganin sauran fasinjoji na taimakawa wajen neman jami'in da ya tausaya. http://www.nationalhelm.net/2017/02/see-how-taxi-driver-begged-frsc.html

Sarkin Kano, Sunusi Lamido Sunusi, ya ce dokar da yake son bujuro da ita kan aure a jihar ba gudu babu ja da baya. Sarkin wanda ya tabbatar da hakan, yayin jawabi a lokacin auren zawara 1500 da gwamnatin jihar Kanon ta gudanar, ranar Lahadi, ya ce, dokokin auren ne kawai za su taimaka wajen kawo karshen matsalolin da suka dabaibaye al'umma. Sarki Sunusi ya kawo wani misali dangane da yadda marasa karfi kan yi aure su kuma hayayyafa ba tare da kula da yaran nasu ba. "Wata mace ta kawo min karar mijinta cewa ya sake ta alhali suna da yara 10 tare saboda haka tana son a ja hankalin mijin nata wajen daukar nauyin yara guda bakwai, a inda ita kuma za ta kula da sauran ukun." In ji Sarki Sunusi. Ya kara da cewa "sai na kirawo mijin na fada masa korafin tsohuwar matar tasa, a inda ya ce min ai yana da wata matar kuma suna da 'ya'ya takwas, ka ga ke nan yana da yara 18 shi kadai." Sarki ya ce " ya tambayi sana'ar mutumin, a inda ya ce masa sana...

Za’a iya cewa tsautsayi ne ta fada akan wani sojin Najeriya da ya tafi gida wajen ‘yan Uwansa bayan ya dan dauki hutu da ga filin daga a can jihar Barno. Kakakin rundunar ‘yan sandan jihar Neja Bala Elkalla ya ce sojan ya zo ganin gida sai kuma Allah yayi ajalinsa na gida. Yace hadarin ya faru a lokacin da sojan yake ba ‘yan uwansa labarin yadda suke yaki da Boko Haram a dajin Sambisa, tare da shi a wannan lokaci kuma akwai Bam din hannu wanda ya ke nuna musu dashi. Ana cikin haka ne fa sai Bam din ya tashi a tsakaninsu. Da shi da wadansu ‘yan uwansa biyu suka mutu nan take. Elkalla yace ba hari bane a ka kai karan kwana ne kawai.

An yi watandar dorinar ne dai da aka kama a cikin kogin Koko da ke jihar Kebbi.

A jihar Gombe hukumomin zabe da na tsaro sun ce sun shirya domin gudanar da zabe a kananan hukumomin 11 dake jihar. Rahotanni daga hukumomin biyu sun tabbatar da cewa an tanadar da duk abubuwan da suka wajaba domin gudanar da wannan zaben. Mr. K.K Lubo, shi ne kwamishinan labarai da hulda da jama’a, a hukumar zaben jihar Gombe, ya kuma ce gobe da 8 na safe ya kamata a fara zabe, ana kuma sa ran cewa zai kai har karfe uku na yamma, inda ya bukaci jama’a bayan jefa kuri’a, su koma gida wadanda kuma suke da hakkin tsayawa su tsaya inda ya kamata su tsaya. Ya kara da cewa kamar yadda jama’a ke ta kira cewa a yi amfani da na'urar tantance katin zabe ta “Card Reader” Mr Lubo, ya ce abinda aka saba amfani da shi a jihar da shi za ayi amfani domin a cewarsa Card Reader ba na Gwamnatin jiha bane na gwamnatin tarayya ne. DSP Obet Mary, kakakin hukumar ‘yan sandan jihar ta Gombe, ta ce hukumar a shirye ta ke domin ta tura ‘yan sanda kimanin 7,000...

Naira tana ci gaba da farfadowa da faduwar da darajarta ta yi a kasuwar canji ta bayan fage, bayan daukar matakin sauya tsarin tabbatar da wadatuwar dalar Amurka da babba bankin Najeriya yayi a ranar Litinin. A ranar Talatar da ta gabata an saida dalar Amurka 1 kan naira 510 daga 520 da aka saida ranar Litinin. A ranar Laraba kuwa an saida dalar ce kan naira 505, yayinda a jiya Alhamis aka saida dala daya kan naira 470. A Litinin din da ta gabata ne dai babban bankin Najeriya CBN, ya bayyana sabon tsarin kara yawan dalar da zai saidawa masu bukata a kasar, inda a ranar Talatar da ta gabata bankin na CBN ya fitar da dala miliyan $500, inda bankunan kasar 23 suka sayi dala miliyan $371. Daga cikin sabon tsarin da babban bankin Najeriya ya fitar dai shi ne maida hankali wajen saidawa sauran bankunan kasar dalar, fiye da yan kasuwar canji ta bayan fage, domin karkatar da bukatar dalar da ake yi daga kasuwar zuwa wajen bankuna. Kanana da manyan kwastomomin bankunan dai zasu rika sayen d...

Mutanen da suka yi garkuwa da wasu Jamusawa biyu a jihar Kaduna dake Najeriya sun gindaya sharudda kafin su sako Jamusawan da aka sace tun ranar Laraba data gabata. Jamusawan biyu sun hada da Peter Breunig da Johannes Buringer wadanda aka sace a kauyen Jenjela dake karamar Hukumar Kagarko na jihar Kaduna inda suka tafi wajen aikin hakar ma’adinai. Majiyoyin samun labarai na cewa masu garkuwa da su na bukatar kudi Naira miliyan 60 kafin su sako Jamusawan. Ganau sun bayyana cewa sai da masu satan Jamusawan suka kashe wasu ‘yan kauyen biyu kafin su yi awon gaba da Jamusawan.

Masu bincike sun bayyana cewa yawan cin kayan marmari da ganyayyaki a ko wacce rana na iya sa tsawon rai. A wani binciken da kwalejin Imperial ta Biritaniya ta gudanar, ya nuna cewa irin wannan kayan abinci za su iya kare mutane milliyan 7.8 daga mutuwa sanadin kananan cututtuka a ko wace shekara. The team also identified specific fruit and veg that reduced the risk of cancer and heart disease. Masanan sun kuma gano wasu kayan marmari da ganyayyaki na musamman da ka iya rage hadarin kamuwa da ciwon daji ko cancer da cututtukan da suka shafi zuciya. Binciken ya ce ko da cin kayan marmari da ganyayyakin kadan ma na kara lafiyar jiki amma cin su da yawa yafi amfani. Kayan marmarin ko ganyayyakin kamar nauyin giram 80 - daidai yake da karamar ayaba ko fiya ko babban cokali uku na alayyahu ko kuma waken Bature. A karshe dai an tattaro bayanai daga bincike 95 da aka yi daban, wanda suka yi duba a kan halayyar cin abinci ta mutane miliyan biyu. Za'a rage hadarin kamuwa da ciwon can...

Sakataren jam’iyyar PDP Dayo Adeyeye wanda dan bangaren PDPn Makarfi ne yace zuwa ofishin jam’iyyar PDP da Ali Modu Sheriff yayi ba dadidai bane. Yace Kamar yadda ya sani zuwan Ali Modu ofishin jam’iyyar ya saba ma doka kuma ya kamata a tuhumeshi akan hakan. Yace zuwan Ali ofishin jam’iyyar ba tare da izini ba bai dace ba domin gaba daya ginin ofishin a kulle yake, sannan ofisoshin da suke ciki suma a kulle suke. “Ina tabbatar muku da cewa mukullen ofishin jam’iyyar duka suna hannun shugaban kwamitin amintattun jam’iyyar, saboda haka ta yaya ya shiga ofishin idan ba balle kofofin sukayi ba kuma hakan ya na nuni da rashin kamala da ga garesu da kuma karya doka. Yace bangarensa sun dauka cewa Ali Sheriff zai jira har sai an yanke hukuncin karar da suka shigar kotun koli tukuna kafin ya fara tunanin ko zai koma jam’iyyar ko A’a. Yayi kira ga Ali Sheriff da ya yi maza maza ya tattara inashi-inashi ya kaurace ma ginin jam’iyyar...

Wani sabon bincike ya nuna cewa manyan mutanen da suka fara sharar barci fiye da tsawon sa'a tara a ko wanne dare -- duk da yake a baya ba sa yin hakan -- mai yiwuwa suna dauke da alamun farko-farko na cutar Alzheimers mai gigita hankali da sa yawan mantuwa. Wani nazarin da aka yi sama da shekara 60, ya gano cewa mutanen da ke dankarar barci fiye da tsawon sa'a tara, na da ribi biyu na yiwuwar kamuwa da cutar mai sa gigi. Masu binciken a jami'ar Boston ta Amurka, sun ce tambayar mutane tsawon sa'a nawa suke barci, na iya zama abu mai matukar amfani wajen gano wadanda ke cikin karuwar hatsarin daukar cutar mantuwa. Dakta Matthew Pase, wanda ya jagoranci binciken, ya bayyana cewa akwai yiwuwar samun alaka tsakanin bacci mai tsayi da cutar mantuwa.

(A Shekarar 1957 - 1962). Ko su waye sauran? No.21 General Gado Nasko. No.23 General Sani Sami (Emir of Zuru) No.9 General Ibrahim Babangida No.10 General Garba Duba No.13 Colonel Sani Bello. No.16 General Abdulsalam Abubakar No.3 General Mohammed Magoro. No.6 Late Gen. Mamman Vatsa.

An gano motocin ne a wani gidan gona dake mallakar tsohon shugaban hukumar Kwastam, Abdullahi Dikko Inde. Hukumar ta EFCC ta kara da cewa alokacin da take gudanar da bincike ne taci karo da wadannan motoci har guda sha bakwai 17,wanda alamu sun nuna cewa babu motar da aka taba hawa acikin su kuma manyan motoci ne. Sannan bincike ya tabbatar da cewa wadannan motoci na Abdullahi Dikko Inde ne, inda tasamu cikakken bayani daga mutanen unguwar da suka bada tabbacin cewa motocin mallakar tsohon shugabar kwastan na kasa ne.

Lauyan shugaban Najeriya Muhammadu Buhari ya nesan ta shugaban daga zargin bai wa wani alkali Adeniyi Ademola kyautar naira 500,000. Wani shaida da ya bayyana a gaban kotu a shari'ar cin hanci da ake yiwa alkali Ademola ya ce Buhari ya bai wa Lauyan kyautar kudin a dai dai lokacin da alkalin ke sauraron tuhumar da ake yiwa shugaban na rashin mallakar shaidar kammala karatu. Lauyan Buharin Kola Awodein ya ce daga aljihun sa ya bai wa mai shari'a Ademola kudin a matsayin gudumawar auran 'yar sa da aka yi a Lagos. Awodein ya ce ba da sanin Buhari ya yi kyautar ba kuma babu hannun sa a ciki.

Mata a jihar Borno sun fadi ra’ayin su akan Kiran da sarkin Kano Muhammadu Sanusi yayi na a kirkiro da wata doka da zai hana mazajen da basu da karfi auren mata da yawa. Wasu daga cikin matan sun nuna goyon bayansu akan haka, wasu kuma sun ce hakan bai dace ba. A makon da ya gabata ne Sarkin Kano Muhammadu Sanusi ya yi kira da a kirkiro da wata doka domin a hana mazajen da ba za su iya rike mata da ya wuce daya ba kara aure saboda barin su suna aikata hakan ya na sa da ga karshe dawainiyar ‘ya’yan yana komawa karkashin iyayensu mata. Maimuna Garba, ta yi kira ga matan aure musamman na yankin arewa da su mara wa sarkin Kano baya akan wannan kudiri nasa. “Ko me kace wa maza, koda karantarwa ce da ga Al’kur’ani maigirma ba za su yi amfani da shi sai wanda kawai suka ga yayi musu dadi shine zasu dauka.” Inji Maimuna. Ita kuma Aisha Ibrahim, tace idan har kaga namiji na sauraron ka to kayi masa maganan Kara aure ne amma idan ba haka ba ba ma zai...

Shugaban karamar hukumar Kaura da ke jihar Kaduna Mista Alex Iya, ya tabbatar da kisan mutane 14 a wani tagwayen hare-hare a kauyukan Mifi da Ashim da wasu ‘yan bindiga da ake zargin Fulani suka kai a safiyar yau Litinin. Rahotanni daga karamar hukumar Jema’a na cewa, a daren jiya aka kai wani hari inda aka kashe mutane bakwai a unguwar Bakin Kogi da ke cikin karamar hukumar ta Jema’a. Dan majalisar dokokin jihar Kaduna mai wakiltar karamar Hukumar Kaura, Dakta Yakubu Bityong ya tabbatar da aukuwar lamarin, inda harin ya yi sanadiyyar rasuwar mutane 21 a yankin kudancin Kaduna, ya kuma ce, maharan sun kone gidajen jama’a da dama kafin zuwan jami’an tsaro yankin.

Shugaban kasar Gambia Adama Barrow ya bada umarnin sakin baki dayan fursunonin da ke tsare a gidajen yarin kasar, wadanda aka tsare ba tare da an gurfanar da su gaban shari’a ba saboda dalilan siyasa. Barrow ya bada umarnin ne yayinda yake jaddada alkawarin da yayi na kawo karshen tauye hakkin dan adam da aka zargi gwamnatin Yahya Jammeh da aikatawa, a jawabin da ya gabatar bayan bikin kama aikinsa da ya gudana a birnin Banjul a ranar Asabar da ta gabata. Jim kadan da bada umarnin, aka saki fursunoni 171, wadanda aka kama a zamanin gwamnatin Jammeh. Shugaba Adama Barrow ya kuma za’a gudanar da sauye sauye a kundin tsarin mulkin kasar, zai kuma bayyana matakai na farko da za’a dauka a lokacin da zai gabatar da jawabinsa na farko ga zauren majalisar kasar.

Wadanda ake zarginda satar yara a unguwar Hotoro dake jihar Kano kenan, Hafsat Auwal dake Tsamiyar Boka Hotoro da Abubakar Umar wanda aka fi sani da Bushasha ko kuma Kafi Giwa daga kauyen Meyere a karamar hukumar lkara ta jihar Kaduna, a yayin da hedikwatar hukumar 'yan sanda ta jihar Kano dake Bompai ta gurfanar da su a yau.

Alhaji Shamsudeen Dalhatu Zango babban masoyin shugaba Muhammadu Buhari, wanda ya tashi tun daga Nijeriya har zuwa birnin London dake kasar Ingla kawai saboda idanunsa su gane masa gidan da shugaba Muhammadu Buhari ke zaune a ciki. Shi fa ba wai sai ya ga Shugaba Muhammadu Buhari ba, a'a kawai burinsa ya yi ido hudu da katangar gidan da baba yake ciki. Burinsa ya cika gashi nan a kofar gidan da Baba yake a birnin London.

Wani sabon rahoto da a gudanar, ya bayyana cewa ba a taba samun wani lokaci da aka yi cinikin makamai a duniya kamar dan tsakanin nan ba tun bayan yakin Duniya na biyu. Kwararru a cibiyar Stockholm Internation Peace Research da suka fitar da sakamakon binciken, sun ce yawan makaman da aka yi cinikinsu tsakanin shekarar 2012 zuwa bara, ya tashi da kashi 8 cikin dari idan aka kwatanta da shekaru biyar da suka wuce. Kasashen gabas ta tsakiya da kasashen Golf su ne suka fi sayan makamai a wannan lokacin, ya yin da a cikinsu Saudiyya ta fi kowacce sayan makamai, sai kuma kasar India. Rahoton ya karkare da cewa kasashe biyar a duniya su ke fitar da kashi 75 cikin 100 makaman, wato Amurka, da Rasha, da China, da Faransa sai kuma Jamus.

Jirage 26 ake tsammanin za su isa Apapa   da Tin-Can Island makare da man fetur, abinci da sauran kayayyaki daga 14 ga watan fabrairu zuwa 27, na 2017. Hukumar da ke kula da tasoshin ruwa ta Nijeriya NPA ta tabbatar da haka a mujallar ta ‘Shipping Position',  a jiya. Kuma ta tabbatar da 7 daga cikin jiragen na dauke da man fetur ne, kuma ragowar 19 na dauke da alkama, mai, sukari, gishiri, fulawa man girki da sauransu.

Jam’iyyar APC na yi mana zagon Kasa a rikicin shugabancin jam’iyyar mu – Inji PDP. Shugaban kungiyar gwamnonin PDP kuma gwamnan jihar Ekiti, Ayo Fayose yace bangarensa (Magoya bayan Makarfi) ba ta yarda da hukuncin ba saboda haka za ta garzaya kotun koli domin daukaka kara. Mabiya jam’iyyar na bangaren tsohon gwamnan jihar Kaduna Ahmed Makarfi sun zargi jam’iyyar APC da yi musu bita da kulli akan wannan shari’a. PDP tace Jam’iyyar APC na yi mata zagon kasa a wannan rikici na shugabancin jam’iyyar.

‘Yan majalisar sun yabawa kasashen Najeriya, Liberia, Ghana Saliyo da Senegal, bisa tsayin daka da suka yi wajen gyara al'amura a kasar Gambiya biyo bayan turjiyar da tsohon shugaba Yahya Jamme ya yi na kin sauka daga mulki duk da shan kaye da ya yi a zabe. Dan majalisar ta ECOWAS daga kasar ta Gambiya Alhaji Seini Abdoullaye ya ce bisa taimakon Shugaba Muhammdu Buhari da ya yi ta kai komo tsakanin Abuja da Banjul, yau gashi an gyara al'amura a Gambia. Dan majalisar dokokin kasar Gambiya Alhaji Mohammed Bah, ya ce Najeriya uwace mai ba da mama a nahiyar Afirka musamman in aka yi la'akkari da irin rawar da take takawa a nahiyar Afirka. Najeriya ta kashe sama da Dala biliyan 50 wajen samar da zaman lafiya a kasashen Laberia da Saliyo kana tana jan gabarar gyara duk wasu al'amura a Afrika ta na ma yin amfani da albarkatunta don haka ta cimma ruwa.

Tsohon Sanata a Mazabar Kano ta Tsakiya, Alhaji Rufa`I Sani Hanga ya bayyana cewa Gwamnatin Kano karkashin Jagorancin Gwamna Abdullahi Umar Ganduje tana aiki sosai ta kowane fanni sai dai kawai rashin wayar da kan Jama`a akan aiyukan da ta ke yi a jaridun kasar nan da sauran kafafen yada labarai. Ya ce wannan shi ne kawai abin da Gwamnatin Kano ta rasa wanda kuma ba karamar koma baya ba ne a tafiyar da harkar gwamnatin dimokuradiyya. Sanatan ya bayyana hakan ne lokacin da wata tawagar matasa da ta ziyarce shi a gidan sa a makon da ya gabata. Ya kara da cewa zuwan Gwamna Ganduje ya kirkiro sababbin aiyuka na bunkasa ilimi da lafiya da sauran fannoni na cigaban Al’ummar Jihar Kano wanda a baya ba a yi ba. “Ya zo ya dora aikin da ya gada na tsohon Gwamna Kwankwaso kamar gadoji da titina a Jihar Kano, haka kuma ga aikin da ya dora a kan ayukan tsohon Gwamna Malam Ibrahim Shekarau na ginin da ya soma na Asibitin Unguwar Giginyo cikin Birnin Kano, ga kuma aikin ginin Katafaran...

Daruruwan matane suka fito domin gudanar da zanga-zanga da nuna fushinsu akan yadda gwamnati ta nuna halin ko in kula da yadda a ke ta sace musu yara a unguwannin su da ya hada musamman da Hotoro, Kawo, Kawon Mallam da Kawon Maigari. Matan sun fito kan titunan birnin na Kano ne inda suka dunguma zuwa gidan gwamnatin jihar domin mika sakon su ga gwamnan jihar Abdullahi Ganduje. Ko da yake ba suyi dace da hakan ba domin basu samu ganin gwamnan jihar ba, kakakin gwamnan Salihu Yakasai yace gwamnati ba za tayi kasa kasa ba wajen ganin ta dakatar da wannan mummunar aiki ya ci gaba a jihar. “Gwamnati ta dauki matakai domin dakatar da matsalar satan yara da akeyi a jihar.” Jagoran matan Halima Abubakar ta ce sun sanar wa gwamnati cewa akwai wata mata da take sace yara a unguwanninsu amma gwamnati da jami’an tsaro sun nuna halin ko in kula akai.

Domin kawo karshen matsalolin da kasuwanci da ‘yan kasuwar Jihar Kano ke ciki, yanzu haka masu ruwa da tsaki cikin harkokin Kasuwanci a jihar sun samar da wata kungiya irinta ta farko a tarihin kasuwacin Kano. Kungiyar mai suna Gamayyar Kungiyoyin Kasuwannin Jihar Kano “Collations for Kano State Markets Association (KOKAMA), kungiyace da ta hade kungiyoyin kasuwanci a Jihar Kano sama da 60 don tabbatar da kawo gyara da kuma farkawa daga dogon barcin da ‘yan kasuwar Kano suka ce suna yi. Yanzu haka kungiyar ta samar da iyaye biyu wadanda su ne aka amince za su iya cewa a yi ko a bari a farfajiyar kasuwanci a jihar wadanda su ne Alhaji Aminu Alhassan Dantata da Kuma Khalifa Sheikh Isyaka Rabiu (Khadumul-Kur’an). Da yake jawabi alokacin ziyarar da suka kaiwa Khalifa Sheikh Isyaka Rabiu, Shugaban Gamayar Kungiyoyin ‘Yan Kasuwar Jihar Kano Alhaji Uba Zubairu Yakasai ya tabbatarwa da Khalifa Isyaka Rabiu amincewar ‘yan Kasuwan Jihar Kano su yi koyi da sh...

Gwamnatin Najeriya ta ce yanzu haka bashin da ake bin ta ya kai sama da Naira tiriliyan 17 wanda ya kunshi har da na jihohi daga sassa daban daban. Shugaban hukumar da ke kula da basusukan gwamnati, Abraham Nwankwo ne ya bayyana kididigar a gaban kwamitin Majalisar Dattawa. Nwankwo ya ce adadin bashin na triliyan 17 ya kunshi bashin da gwamnatin Tarayya da Jihohi 36 da Abuja suka ciyo daga cikin gida da kuma na kasashen waje. Jami’in ya ce daga cikin wannan adadi, kashi 80 na basusukan Jihohi ne suka ciwo su. Gwamnatin Buhari dai ta nemi kara ciyo bashi domin cike gibin kasafin kudin 2016. Najeriya dai na fama da matsalar tattalin arziki saboda faduwar farashin danyen mai a kasuwar duniya wanda kuma ya janyo faduwar darajar Naira.

Kotun wacce ke zaune a birnin Fatakwal, jihar Ribas, yau Juma’a 17 ga watan Febrairu tayi watsi da taron gangamin jam’iyyar da akayi 21 ga watan Mayun 2016, jaridar Tribune ta bada rahoto. Alkalan guda 3 wadanda suka jagorancin karan sun amince da cewa Ali Modu Sherrif sahihin shugaban jam’iyyar. Wannan hukunci zai kawo karshen rikicin shugabancin da ke damun jam’iyyar adawa ta PDP yayinda Sanata Ahmed Makarfi da Modu Sherrif suna ikirarin sune shugabannin jam’iyyar. Markarfi da Sherrif sun zagaya kotuna a Legas, Abuja da Fatakwal amma karar yau ce ta karshe, Daily trust ta bada rahoto. Kafin shari’ar yau, shugabannin guda 2 sun bayyana shirinsu da amincewa da sakamakon shari’ar kotun daukaka kara wanda zai kawo karshen rikici, ya kuma kawo zaman lafiya jam’iyyar.

Ya’yan jam’iyyar PDP a majalisar tarayya sun koka da yadda aka yi musu saniyar ware wajen tafiya gaida Shugaban kasa Muhammadu Buhari a kasar Ingila. Shugaban marasa rijaye a majalisar Wakilai Leo Ogor yace sam bai ji dadi ba yadda aka nuna musu wariya wajen zaben wadanda suka tafi ziyarar Buhari. Yace ko da mataimakin shugaban majalisar dattijai ne ay da an hada dashi a tawagar kawai sai aka tsallakeshi aka tafi da shugaban masu rijaye a majalisar dattijai, Ahmed Lawan. Leo ogor yace ko dayake sun ga Buhari ya na dariya da bakin nasa wanda hakan ya musu dadi amma duk da haka ba da yawunsu aka tafi ziyarar ba. Wata majiya daga ofishin mataimakin shugaban majalisar dattijai Ike Ekweremadu ya sanar mana cewa shi kansa bai san da tafiyar ba. Daga karshe Leo Ogor yace tafiyar shugabannin majalisar Tarayya din tafiya ce ta son kai kuma a sani ba da yawun su bane sukayi wannan tafiya. Wani dan majalisa kuma dan jam’iyyar PDP yace shi bai ga laifin ziyarar da shugabanni...

Tsohon shugaban kamfanin mai na Kasa (NNPC) Andrew yakubu ya boye daloli da yakai sama da biliyan uku a wata gida nasa da yake unguwar Sabon Tasha dake Kaduna. Gidan Jaridar Premium Times ta ziyarci unguwan domin tattaunawa da mazauna unguwan akan yadda suka ji da aka ga irin wadannan kudade a wannan gida. Grace John, malaman makaranta ta ce wannan abu baiyi mata dadi ba. “Maimakon barayin da ke yi mana sace sace a gidajen mu su bi irin wadannan gidaje sun bari irin wadannan makudan kudi na zama a unguwan ba’a sani ba sai namu kanana suke ta bi. Andrew Yakubu mugu ne na gasken gaske.” Blessing Luka, mai siyar da lemon zaki a unguwar Sabon Tasha ta ce ta dade tana neman shi Andrew din ya bata jarin 10,000 amma abun ya gagara. “Ashe akwai sama da naira biliyan uku a cikin wata tsohuwar gidansa a nan unguwar. Amma bai kyauta ba.” Jacob Dominic Yace Allah ne ya tona masa asiri amma da ba bu wanda zai san menene ke faruwa a wannan gidan. “Ko da yake ...