Gwamnatin Nigeria Na Kokarin Rage Farashin Abinci

Gwamnatin Najeriya ta kaddamar da wani kwamiti da zai duba yadda za a inganta hanyoyin samar da abinci a kasar da kuma saukar da farashinsa a kasuwanni.
Makaddashin shugaban kasar Yemi Osinbajo ya ce an dauki matakin ne domin magance matsalar tsadar kayan abinci da kasar ke fama da ita a baya-bayan nan.
Farashin kayayyaki sun yi tashin gwauron zabi, abin da ya kara jefa 'yan kasar cikin mummunan hali.
Najeriya na fuskantar matsalar tattalin arziki mafi muni cikin shekara 20 sakamakon faduwar darajar danyan mai a kasuwannin duniya.
A lokacin da ya ke bayar da umarni a wata ganawa da ya yi da majalisar zartarwa, Mista Osinbajo ya nuna damuwarsa a kan hauhawar wasu kayayyakin abinci.
Ya ce kwamitin da aka kaddamar zai ta duba hanyoyin da za a bi domin inganta samar da abinci a farashi mai sauki ga 'yan Najeriya.
Duk da rahotannin da ke cewa amfanin gonaki sun yi yabanya a sassa daban-daban na kasar, farashin abinci na kara hawa.
Wasu kayan amfanin gonar kuma na lalacewa sakamakon rashin ingantacciyar hanyar da za a bi domin sufurin kayan zuwa kasuwanni ko kuma adana su.
A cewarsa, kwamitin wadda aka bai wa wa'adin kwana bakwai daga ranar Laraba domin gabatar da rahotonta, zai duba yiwuwar kawar da abubuwan da ke haddasa hauhawar farashi a tsakanin gonaki da kasuwanni.
Mista Osinbajo ya ce yin haka zai kawo sauki ga al'ummar kasar.
Farashin wasu abubuwa a watan Janairun 2016 zuwa Janairun 2017
Buhun shinkafa babba N8000 - N19,500
Buhun Semovita N1,300 - N3000
Buhun fulawa N6,000 - N12,000
Kwanon dawa - N140 - N600
Kwanon wake N400 - N800
Kwanon sikari N400 - N900
Indomie N35 - N70
Tulun gas matsakaici (kilo 12.5) N2,500 - N5,300
Litar kananzir N100 - N500
Kwamitin na karkashin ministoci kamar haka:
Ministan Gona Chief Audu Ogbeh
Minisar Kudi Misis Kemi Adeosun
Ministan Kasuwanci Okey Enelamah
Ministan Sufuri Rotimi Amaechi
Ministan Ruwa Suleiman Adamu
Ministan Kwadago Chris Ngige

Comments

Post a Comment

Popular posts from this blog

NAZARI: Amfanin Kabeji A Jikin Dan Adam

Image
1. Rage Kibar Jiki : Binciken masana ya tabbatar da cewa Kabeji yana rage wa wanda ke cinsa kiba. Don haka idan mutum ba ya so ya rika yin kibar wuce geji, ya lizimci cin kabeji. 2. Yana Kara Kaifin Basira: Kabeji cike yake da sinadarin ‘Bitamin K’ wanda shi ke kara wa mutum hazakar kwakwalwa da kuma fahimta. Haka kuma masanan sun ce Kabeji yana taimakawa wurin yi wa mai amfani da shi garkuwa daga cututtukan da suka shafi kwakwalwa. A nan kuma sun ce, jan Kabeji ya fi Kore yin wannan aiki. 3. Kara Wa Mutum Kyau: Ganyen Kabeji yana da sinadarin da ke sa fatar mutum ta rika sheki da kyau, sannan yana sa taushi da kyallin gashi, haka ma farcen mutum kan yi kyau. 4. Kabeji Na Cire Datti Da Warin Jiki: Masana sun tabbatar da cewa Kabeji na taimaka wa mutane wurin cire datti da warin jiki. Saboda sindarin ‘Bitamin C’ da ke cikinsa. Wanda yake garkuwa da wasu manyan cututtukan fata da kuma cututtukan sanyin kashi. 5. Kabeji Na Magani Da Garkuwa Ga Cutar Kansa: Kabej...
Read more

Mata: Ku guje wa saka takalma masu tsini saboda illata kashin baya da yake yi - Dr Martins Adejo

Image
Wani likita a asibitin Makurdi Dr Martins Adejo ya gargadi mata da su yi taka tsantsan da saka takalman masu tsini domin ya na lahanta kashin bayan mutum. Likitan yace wadannan takalma na illata kashin baya wanda hakan ya kan lalata wasu sassan dake hade da kashin baya bayan illata kashin shi kansa. Ya kara da cewa takalma masu tsini na kawo matsala a kwiwwowi da gabobi da tafin kafa, sannan kuma yana raunana jijiyoyin dake tafiyar da jinni a jikin mutum. “ Idan mace ta nace da sa irin wadannan talkalma za ta samu matsala da jijiyoyin ta da kuma gabobin jikinta idan girma ya zo. Likita Adejo yace dalilin irin wadannan matsaloli da za’a iya samu zai iya kai ga mutum ya kamu da cutar hawan jinni da ciwon suga.
Read more

An sake gano dala miliyan 150 da aka sace a Najeriya

Image
Hukumomi a Najeriya sun ce sun gano wasu makudan kudade da aka sace daga asusun gwamnati da yawansu ya kai dala miliyan dari da hamsin, da kuma wata naira biliyan takwas. Ministan yada labarai na kasar, Alhaji Lai Mohammed, a cikin wata sanarwa, ya ce an gano kudaden ne daga wajen mutane uku, sakamakon wasu da suka tona asirinsu. Ministan ya ce kudaden ba sa daga cikin fiye da dala miliyan tara da aka gano a gidan tsohon shugaban kamfanin mai na kasar NNPC, Andrew Yakubu, wanda shi ma wani ne ya tona musu asiri. Alhaji Lai Mohammed ya ce daga cikin kudin, dala miliyan dari da talatin da shida da dubu dari bakwai, an gano su ne a wani banki a kasar, an an boye su ne da wani suna na bogi. Ya ce naira biliyan bakwai kuma da dala miliyan goma sha biyar, an same su ne daga wurin mutun guda, sai kuma wata naira biliyan daya da aka samu daga wajen wani mutun guda shima. Ministan ya ce wannan bankadowa da aka yi, ta kara jaddada matsayarsu a baya, cewa an tafka babbar sata a zamanin tsohu...
Read more