An Kama Dan Nijeriya Da A Ke Zargi Da Shirya Harin Ta addanci A Jamus

'Yan sanda a nan Jamus sun kame wasu mutane biyu daya dan kasar Aljeriya daya kuma dan Najeriya a bisa zarginsu da shirya kai wani harin ta'addanci a cikin kasar.
An kama mutanen ne a wannan Alhamis a lokacin wani sumame da 'yan sanda 450 suka kai a birnin Göttingen na tsakiyar kasar bayan da suka samu wasu bayanan sirri da ke nuna cewar mutanen wadanda mambobin Kungiyar Musulmi Salafawa ne na shirin kitsa kai wani hari a kasar.
Mutane kimanin 550 ne masu alaka da Kungiyar Salafawa a Jamus mahukuntan kasar suka jera a jerin sunayen mutanen da ke a matsayin wata babbar barazana a kasar.
Kasar Jamus wacce sannu a hankali Musulmi masu akidar Salafanci ke yaduwa a cikinta a 'yan shekarun baya bayan nan, ta fuskanci jerin hare-haren ta'addanci wadanda Kungiyar IS ta dauki alhakin kai su.

Comments

Post a Comment

Popular posts from this blog

Ya Tashi Tun Daga Nijeriya Har Zuwa London Saboda Ganin gidan Da Shugaba Muhammadu Buhari Ke Zaune A Ciki

Image
Alhaji Shamsudeen Dalhatu Zango babban masoyin shugaba Muhammadu Buhari, wanda ya tashi tun daga Nijeriya har zuwa birnin London dake kasar Ingla kawai saboda idanunsa su gane masa gidan da shugaba Muhammadu Buhari ke zaune a ciki. Shi fa ba wai sai ya ga Shugaba Muhammadu Buhari ba, a'a kawai burinsa ya yi ido hudu da katangar gidan da baba yake ciki. Burinsa ya cika gashi nan a kofar gidan da Baba yake a birnin London.
Read more

An Yi Yunkurin Hallaka Sarkin Saudiyya A Malaysia

Image
Hukumomin kasar Malaysia sun sanar da cewa sun dakile yunkurin hallaka sarki Salman bn Abdul'azeez na kasar Saudiyya a lokacin da ya kai ziyara kasar a baya-bayan nan. Sufeton 'yan sandan kasar Khalid Abu Bakar shi ne ya sanar da hakan, ya kara da cewa gabannin kawo ziyarar, 'yan sanda sun cafke wasu mutane bakwai, cikin su har da wasu 'yan tawaye na kabilar Houthi a kasar Yemen. Tun bayan guguwar sauyi ta hambarar da gwamnati shugaba Ali Abdallah Saleh, kasar Yemen ta fada tashin hankali, bayan wani lokaci aka zabi Abdul Rabou Mansul-Hadi a matsayin sabon shugaba, daga bisani shi sai da ya tsere zuwa Saudiya dan neman mafaka. Shekaru biyu kenan da Saudiyya ke jagorantar wata hadakar dakarun kasashen waje, a yakin da suke yi da 'yan tawayen Houthi a Yemen. Amma kawo yanzu babu tabbacin ko su 'yan Yemen din 'yan wacce kungiyar 'yan tawaye ne. Wata babbar majiyar 'yan sanda ta tabbatar wa kamfanin dillancin labarai na Reuters cewar an yi imanin mu...
Read more