Yawan cin kayan marmari na iya kawo tsawon rai- Kwalejin Imperial

Masu bincike sun bayyana cewa yawan cin kayan marmari da ganyayyaki a ko wacce rana na iya sa tsawon rai.
A wani binciken da kwalejin Imperial ta Biritaniya ta gudanar, ya nuna cewa irin wannan kayan abinci za su iya kare mutane milliyan 7.8 daga mutuwa sanadin kananan cututtuka a ko wace shekara.
The team also identified specific fruit and veg that reduced the risk of cancer and heart disease.
Masanan sun kuma gano wasu kayan marmari da ganyayyaki na musamman da ka iya rage hadarin kamuwa da ciwon daji ko cancer da cututtukan da suka shafi zuciya.
Binciken ya ce ko da cin kayan marmari da ganyayyakin kadan ma na kara lafiyar jiki amma cin su da yawa yafi amfani.
Kayan marmarin ko ganyayyakin kamar nauyin giram 80 - daidai yake da karamar ayaba ko fiya ko babban cokali uku na alayyahu ko kuma waken Bature.
A karshe dai an tattaro bayanai daga bincike 95 da aka yi daban, wanda suka yi duba a kan halayyar cin abinci ta mutane miliyan biyu.
Za'a rage hadarin kamuwa da ciwon cancer idan ana ci:
Korayen ganyayyaki (kamar alayyahu)
Kayan lambu mai launin dorawa wato yellow, (kamar tattasai mai wannan launi)
Kayan lambu dangin kabeji
Za'a rage hadarin kamuwa da cututtukan zuciya da shanyewar jiki idan aka ci:
Tuffa
Fiya
'Ya'yan itatuwa dangin lemo
kwadon ganyayyaki
Kayan lambu masu koren ganye (kamar Latas)
Kayan lambu dangin kabeji
Harriet Micallef, daga Chippenham, tana yawan cin kayan marmari kamar sau takwas a ko wace rana, tana kuma yawan cin abincin mai dauke da alayyahu sosai.
Harriet ta shaidawa BBC cewa "Ina cin su sosai, ban taba cin wani abinci, ba tare da 'ya'yan itatuwa ko hadin ganyayyaki ba a kullum."
Harriet ta kara da cewa tana cin kwai da aka sawa kayan lambu da alayyafu, wasu lokutan kuma ta sa masa fiya ko tumatiri.
Masu binciken ba su san ko cin kayan marmari da na lambu da yawa sosai na iya kara inganta lafiya tun da ba a samu wasu bkwararan hujjoji ba kan hakan.
Daya daga cikin masanan, Dr Dagfinn Aune, ya ce: "'Ya'yan itatuwa da kayan lambu na iya rage kitsen jiki da hawan jini, da kara lafiyar jini da kuma rigakafin kamuwa da cututtuka.
Wannan na iya zama saboda sanadaran gina jiki da suka kunsa''.
"Suna kunshe da wasu sinadaran da ke iya rage lahani ga kwayoyin haliyar dan adam, wanda zai iya rage hadarin kamuwa da ciwon daji."
Duk da haka, da kyar wasu mutanen ke iya cin 'ya'yan itatuwa da kayan lambu giram 400 a rana, kamar yadda hukumar lafiya ta duniya WHO ta bayar da shawara.
A Birtaniya, mutane daya daga cikin uku ke cin 'ya'yan itatuwa da kayan lambu da yawa.
Heather Saunders, mai shekeru 24 daga Oxford, tana cin 'ya'yan itatuwa da kayan lambu awo tara ko goma a kowace rana tun da ta daina cin nama.
Ta na cin 'ya'yan itace biyu a yayin karin kumallon safe, ta kuma ci kayan lambu mai yawa lokacin cin abincin rana, sa'annan ta ci a kalla kayan lambu hudu da yamma.
Heather ta shaidawa BBC cewa, "Ni na yake shawara, kuma ina ganin cin 'ya'yan itace da kayan lambu ya fi lafiya."

Comments

Post a Comment

Popular posts from this blog

NAZARI: Amfanin Kabeji A Jikin Dan Adam

Image
1. Rage Kibar Jiki : Binciken masana ya tabbatar da cewa Kabeji yana rage wa wanda ke cinsa kiba. Don haka idan mutum ba ya so ya rika yin kibar wuce geji, ya lizimci cin kabeji. 2. Yana Kara Kaifin Basira: Kabeji cike yake da sinadarin ‘Bitamin K’ wanda shi ke kara wa mutum hazakar kwakwalwa da kuma fahimta. Haka kuma masanan sun ce Kabeji yana taimakawa wurin yi wa mai amfani da shi garkuwa daga cututtukan da suka shafi kwakwalwa. A nan kuma sun ce, jan Kabeji ya fi Kore yin wannan aiki. 3. Kara Wa Mutum Kyau: Ganyen Kabeji yana da sinadarin da ke sa fatar mutum ta rika sheki da kyau, sannan yana sa taushi da kyallin gashi, haka ma farcen mutum kan yi kyau. 4. Kabeji Na Cire Datti Da Warin Jiki: Masana sun tabbatar da cewa Kabeji na taimaka wa mutane wurin cire datti da warin jiki. Saboda sindarin ‘Bitamin C’ da ke cikinsa. Wanda yake garkuwa da wasu manyan cututtukan fata da kuma cututtukan sanyin kashi. 5. Kabeji Na Magani Da Garkuwa Ga Cutar Kansa: Kabej...
Read more

Mata: Ku guje wa saka takalma masu tsini saboda illata kashin baya da yake yi - Dr Martins Adejo

Image
Wani likita a asibitin Makurdi Dr Martins Adejo ya gargadi mata da su yi taka tsantsan da saka takalman masu tsini domin ya na lahanta kashin bayan mutum. Likitan yace wadannan takalma na illata kashin baya wanda hakan ya kan lalata wasu sassan dake hade da kashin baya bayan illata kashin shi kansa. Ya kara da cewa takalma masu tsini na kawo matsala a kwiwwowi da gabobi da tafin kafa, sannan kuma yana raunana jijiyoyin dake tafiyar da jinni a jikin mutum. “ Idan mace ta nace da sa irin wadannan talkalma za ta samu matsala da jijiyoyin ta da kuma gabobin jikinta idan girma ya zo. Likita Adejo yace dalilin irin wadannan matsaloli da za’a iya samu zai iya kai ga mutum ya kamu da cutar hawan jinni da ciwon suga.
Read more

An sake gano dala miliyan 150 da aka sace a Najeriya

Image
Hukumomi a Najeriya sun ce sun gano wasu makudan kudade da aka sace daga asusun gwamnati da yawansu ya kai dala miliyan dari da hamsin, da kuma wata naira biliyan takwas. Ministan yada labarai na kasar, Alhaji Lai Mohammed, a cikin wata sanarwa, ya ce an gano kudaden ne daga wajen mutane uku, sakamakon wasu da suka tona asirinsu. Ministan ya ce kudaden ba sa daga cikin fiye da dala miliyan tara da aka gano a gidan tsohon shugaban kamfanin mai na kasar NNPC, Andrew Yakubu, wanda shi ma wani ne ya tona musu asiri. Alhaji Lai Mohammed ya ce daga cikin kudin, dala miliyan dari da talatin da shida da dubu dari bakwai, an gano su ne a wani banki a kasar, an an boye su ne da wani suna na bogi. Ya ce naira biliyan bakwai kuma da dala miliyan goma sha biyar, an same su ne daga wurin mutun guda, sai kuma wata naira biliyan daya da aka samu daga wajen wani mutun guda shima. Ministan ya ce wannan bankadowa da aka yi, ta kara jaddada matsayarsu a baya, cewa an tafka babbar sata a zamanin tsohu...
Read more